آپ آف لائن ہیں
جنگ ای پیپر
منگل21؍شوال المکرم 1440ھ 25؍جون 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان پیپلزپارٹی نے وفاقی بجٹ کو عوام دشمن قرار دیتے ہوئے اسے یکسر مسترد کردیا ہے اور کہا ہے کہ ملک کا سب سے بڑا معاشی دہشتگرد عمران خان ہے۔

مشیر اطلاعات قانون و اینٹی کرپشن سندھ بیرسٹر مرتضی وہاب ، سعید غنی اور ناصر شاہ سمیت دیگر وزراء نےسندھ اسمبلی میں میڈیا پر پریس کانفرنس کے دوران کہا کہ ریاست مدینہ کا ذکر کرکے سلیکٹیڈ حکمرانوں نے غریب مکاؤ بجٹ پیش کیا، پیپلز پارٹی نے این آر او مانگا اور نہ کسی این آر او کی ضرورت ہے ، آپ نے اپنے 10 ماہ میں جو تباہی کی ہے اس کی بھی تحقیقات کریں ۔بجٹ کے اثرات عام آدمی پرآئیں گے۔

کھانے پینے کی بیشتر اشیاء مہنگی،دوائیں،، کھاد، موبائل سستے، 7036 ارب کا وفاقی بجٹ خسارہ 3151 ارب روپے

اسلام آباد ( تنویر ہاشمی ) پاکستان تحریک انصاف (پی...

پیپلزپارٹی نے وفاقی حکومت پر تنقید کرتے ہوئے کہا کہ آپ کے اردگرد جو لوگ بیٹھےہیں وہ پہلے نواز شریف کے دائیں بائیں تھے، ان کے خلاف انکوائری سے شاید ان کی چیخیں نکل جائیں ۔

پیپلزپارٹی کا کہنا ہے کہ گرفتاریوں کی پیش گوئیوں سے ظاہر ہوتا ہے کہ ان کے پیچھے پی ٹی آئی ہے، عمران خان چندہ چور ہے اور کمیشن بنانا ہے تو1999سے بنائیں۔احتساب سے کس نےروکا ہےاحتساب ہوانتقام نہیں ہونا چا ہیے، جھوٹےمن گھڑت اورجعلی کیسز ہیں، امید ہیں عدالتوں میں ہم سرخرو ہوں گے۔

بیرسٹر مرتضی وہاب نے کہا کہ وزیراعظم کو شرم آنی چاہیے خیبرپختون خواہ حکومت نے2013 سےریکارڈ قرضےلیے۔ علیمہ باجی کےپاس پیسےکہاں سےآئے، پیپلزپارٹی کی قیادت کارکنان جیلوں سےڈرنےوالےنہیں ہیں۔

وزراء نے کہا کہ ہمارا فیصلہ بلاول بھٹو زرداری کرتے ہیں اور جیالے اسکو قبول کرتے ہیں، گرفتاریوں کے پیچھے تحریک انصاف ہے ہم اصلی جماعت ہیں جیالے قیادت کے فیصلے کو تسلیم کریں گے زراری پیپلز پارٹی کے ہی نہیں ریاست کے لیڈر ہیں، زرداری نے 11 سال جیل کاٹی ۔

انہوں نے کہا کہ سابق صدر آصف علی زرداری نے صدارت کے دوران مزدور خواتین کو مستحکم کیا، احتجاج صرف جلائوگھیرائو اور عوام کو تکلیف مین ڈالنے کا نام نہیں، ہم نے جمہوری اور قانونی انداز میں احتجاج کیا ہے، ریاست مدینہ کا ذکر کرکے جو بجٹ لائے اور فیصلے کیے وہ قابل شرم ہے۔

انہوں نے کہا کہ پی ٹی آئی بطور جماعت کرپٹ ہے صدر عارف علوی اور پرویز خٹک سمیت تمام رہنمائوں نے اپنے الیکشن میں پیسے خرچ کیے اس جماعت نے عوام سے چندےلیے ان میں بھی کرپشن کی گئی یہ جماعت اور ان کے رہنماء بھی کرپٹ ہیں۔

پی پی پی نے بجٹ کو یکسر مسترد کرتے ہوئے کہا کہ یہ پی ٹی آئی کا نہیں آئی ایم ایف کا بجٹ ہے حکومت کے دعوے غلط ہیں ، وزیر اعظم اور ایوان صدر کے اخراجات میں بھی اضافہ کیا گیا ہے۔ن لیگ نے جو ٹیکس چھوٹ دی وہ غلط تھی مگر انہوں نے تو اپنوں کو نوازنے کے لیے اس میں بھی اضافہ کیا۔

حکومت کو دوسروں پر الزام لگانا زیب نہیں دیتا10 سال پیچھے بھی جائیں شوکت عزیز اور حفیظ شیخ بھی رگڑے میں آئیں گے ہم تو خوش ہیں۔  

Chatاپنی رائے سے آگاہ کریں